Bihar, Getariako Txakolina jatorri izena duten sei upategitako ardoak dastatzeko aukera egongo da Mitarte kalean, 12:30etik 14:30era. Honako hauek izango dira parte hartuko duten sei upategiak: Basa Lore, Blai, Hika, Hiruzta, Rezabal eta Sagarmiña. Bost euro ordainduta bost txartel jasoko dira trukean, kopa bat barne. Txakolinaz gain, bertako produktuak erosi eta dastatu ahal izango dira, Mendibitzu, Etxezuri eta Zaloña Aurrekoa –hanburgesak– baserrien eta Hankabeltz dendaren eskutik. Iruñeko Lekunberri eta Legazpiko erraldoi eta buruhandien konpartsak arduratuko dira kaleak girotzeaz.