Azken osoko bilkuran oniritzia eman zitzaion Udalak eta Ortuzal enpresak Iturrizar plaza Txarapea ibilbidearekin lotuko duen igogailu publikoa eraikitzeko sinatuko duten hirigintza-hitzarmenari. Hitzarmen horren arabera, enpresa horrek igogailuaren egitura gauzatuko du, eta, trukean, Udalak 229.247 euro –gehi BEZa– ordainduko dizkio, obren kostuari, zuzendaritzari, lizentziei eta proiektuari berari dagozkienak. Igogailuaren kokalekua Iturrizar plazako azken etxebizitza-blokearen amaieran egongo da eta Txarapeako 50. zenbakiaren parean amaituko da.
Hogei egunez proiektua jendaurrean egon ondoren, eta helegiteak egiteko aukera izan ostean, behin betiko onartuko da. Obra horrek, beraz, igogailuaren kutxa prest utziko du. Behin hori gauzatuta dagoenean, Udalak lizitaziora aterako du kabinaren instalazioa eta igogailua martxan jarriko duen makineria. Udalaren esanetan, lan horiek irisgarritasuna hobetuko dute.