Gauez, eta autobusez bidaiatu zuten Oier Zumarraga eta Iker Lopezek Sevillara. Egubakoitzean, 00:00ean irten zuten Iruñeatik Sevillara, EH Jaiak bidai agentziak antolatutako autobus batean. Geldialdiak tarteko, goizeko hamaikak pasatxo iritsi ziren Andaluziako hiriburura, egun handi bat pasatzeko asmoz. Egun guztia alde zaharrean, eta esprezuki talde gorritxoak finalerako eraiki zuen Fan Zonean pasa ondoren, La Cartuja futbol zelaian jarraitu zuten finala bertatik bertara bi aretxabaletarrek.
Jende pilaketengatik La Cartuja-ko harmailetara sartzeko zailtasunak gainditu ostean, hego harmailan 25.000 zale gorritxo ikustea "hunkigarria" izan zela diote bi aretxabaletarrek. Ondo gogoan dute baita ere, Osasunako jokalaria den Lucas Torrok berdinketa egin zuen momentua. Bientzat atzoko eguna egun "historikoa" izan zen, Osasuna zalez inguratuta, eta maite duten taldea Errege Kopako final batean animatzen.
Azkenerako, baina, talde gorritxoak ezin izan zuen garaikurra lortu eta behin neurketa amaitu ondoren, Jagoba Arrasate entrenatzailearen negar-malkoekin asko hunkitu zirela azpimarratu dute. Zumarragak ere, Abde eta Kike Barjaren abagune garbiak tamaldu ditu.
Etxerako buelta gazi-gozoa izan da, eta bi aretxabaletarren esanetan, leher eginda daude. Harrotasun puntu batekin, munduko afizio "onena" Osasunarena dela adierazi du Lopezek. Ia ba hirugarrengoan Osasunak Errege Kopa irabazten duen.