Udalak 86.272 euroko partida bideratu du programa horretara, eta Loramendi elkartea arduratuko da kudeaketaz. Udalekuen ordutegia izango da 09:00etatik 13:00etara astelehen, martitzen, eguazten eta egubakoitzetan eta 09:00etatik 17:00etara eguenetan. Izena emateko epea maiatzaren 8tik 19ra bitartean egongo da zabalik, eta honako formulategia bete behar da –ume bakoitzeko bat–. Prezioa 85 euro da.
Begiraleendako izen-ematea eguaztenean
Bestetik, udalekuetako begirale izan gura dutenek curriculumak maiatzaren 10tik 17ra arte bidali beharko dituzte, formulario bat beteta aretxabaleta.eus webgunean.
Hiru baldintza izango dira ezinbestekoak:
- 18 urte beteta izatea.
- Erdi mailako heziketa zikloak. Batxilergoa amaituta izatea.
- Delitu sexual ezaren ziurtagiria izatea.
Aukeraketa honen arabera egingo dute:
1. Tituluak:
- - Aisialdi begirale titulua: 5 puntu.
- - Gizarte hezkuntza, psikologia, pedagogia, magisteritza, Tafyd eta IVEF, gizarte eta kultur animazioa, gizarte integrazioa: 3 puntu ikasketak amaitu badira. 2 puntu ikasketak gauzatzen ari baldin badira.
- - Lehen sorospen titulua: 1 puntu.
- - Euskararen C1 titulua: 1 puntu.
2. Lan esperientzia:
- - Udaleku irekietan urte bakoitzeko: 3 puntu.
- - Udaleku itxietan urte bakoitzeko: 2 puntu.
- - Gabonetako parkean begirale bezala aritu izatea: 1 puntu.
- - Urtean zehar aisialdirako zerbitzuetako langileak (multikirolak, entrenatzaileak, dantza, ludoteka, hizkuntza errefortzuak…): 1,5 puntu.
Bestelakoak:
- - Atxabaltarrek lehentasuna izango dute.
- - Puntuagarria den guztia egiaztatu beharko da.
- - Aukeraketa egiterakoan aurreko urteetako balorazioak ere kontuan hartuko dira.
