Urtero lez, maiatzaren 14ean Otala Zelaiko eguna ospatuko da eta horrekin batera berrogeita hirugarren Otala Zelaiko herri krosa. Ohi legez, lehenengo, umeen lasterketak egingo dira Otala Zelai inguruan 10:00etan hasita. Helduena, 11:00etan hasiko da eta 8.140 metro egin beharko dituzte lasterkariek; Otala Zelaitik abiatu, urtegiari bira eman eta zelaian bukatu. Sari-emate ekitaldia 12:30ean izango da zelaian bertan.
Aurten ere bakarka zein bikote mistoak osatuta parte har daiteke; izena aurrez emanez gero, 8 euro ordainduko ditu lasterkari bakoitzak; eta egunean bertan, 15 euro.
Pasa den urtean etxeko bi lasterkari nagusitu ziren: Ainara Urrutia Yurrebaso emakumezkoetan (32:14) eta Mustapha Archaoui Ournane gizonezkoetan (27:51).
