Mendizabal indarkeriarik gabeko komunikazioaren trebatzailea, psikopedagogoa, gizarte-hezkuntzan diplomatua eta haur-masajearen hezitzailea da eta autoestimuaren bueltan jardungo du oraingoan, gurasoei hainbat galdera eginda: Nola ikusten dut seme alaba? Nola deskubritzen dut nor den bere jokabide edo emaitzetan baldintzatu gabe? Nola lagundu diezaioket bere buruaz fidatzen?
Gipuzkoako Foru Aldundiko Gazteria Zuzendaritzak sustatzen duen Treba Gurasoak ekimenaren baitan dago hitzaldia. Haurren eta nerabeen bizi-kalitatea eta aukerak hobetzea du helburu programa honek, gurasoak hezkuntza-gaitasunetan trebatuz. Egueneko saio hau aurtengo ikasturteko azkena izango da.