Hans Christian Andersen idazle daniarraren biografia ezagutuko dute egunotan. Hark idatzitako hainbat ipuin irakurriko dituzte eta jolasteko aukera ere izango dute.
Apirilak 28an, egubakoitzean Xabier Olaso idazle otxandiarrarekin solasalditxoa izango dute Lehen Hezkuntzako lehenengo eta bosgarren mailako gaztetxoek.
Ikasleek egindako lanekin eta eskulanekin erakusketa osatuko dute liburutegian. "Guztiok, ikasle, irakasle, familia… ikusteko aukera izango dugu, maiatzaren 2 eta 3an", egin dute gonbidapena eskolatik.
