Goñi memorialeko finalak egongo dira ikusgai Goiena.eus atarian gaur arratsaldean, kirolzale tv kanalaren bitartez. Pilota jaialdia 18:30ean hasiko dute, eta arrasatearraren norgehiagoka hirugarrena izango da. Elite mailan Muruak –Soraluzeko kluba ordezkatuz– eta Ugartemendiak Elola eta Lizeaga izango dituzte aurrean.
Arrasatekoak eta Ugartemendiak ibilbide polita egin dute txapelketan. Lehenengo kanporaketa-partiduan 22-4 hartu zituzten mendean Labaka eta Beloki. Eta final-aurrekoan 22-2 irabazi zieten Igoari eta Apezetxeari. Berez, partidua 13-2kora arte jokatu zuten, baina Apezetxeak partidua bertan behera utzi behar izan zuen eskuin besoan ziztadak zituelako, eta arrasatearrak eta tolosarrak finalerako txartela eskuratu zuten, apenas lan erdiak eginda.
