Pronoia da paranoiaren aurkako egoera mentala, eta unibertsoak pertsonen alde konspiratzen diharduela uste izaten da. Hori horrela, Imazek dakarren ikuskizuna itxaropenari egindako kantua da eta poztasuna defendatzera gonbidatzen duen oihua.
Pauxa pailazoa da protagonista eta ikus-entzuleak bere gogoeta zoroen konplize eta lekuko egingo ditu. Harreman osasuntsuak kudeatzeko zailtasunak izango ditu hizpide eta proposatuko du umorea erabiltzea korapilo horiek askatzeko. Berdintasunaren eta indarkeria sexistaren gainean asko badago ere oraindik egiteko, bide horretan emandako urratsak ospatzera gonbidatuko ditu Arkupen elkartutakoak.
