Herrian erostera gonbidatzen duen performancea

Xabier Urtzelai 2023ko mar. 18a, 09:47

Herrixan erosiz, eroso... eta ponpoxo! izenaren bueltan performancea egin zuten Jaikiko dantzariek atzo. Hamaika dantzariek Araba ibilbidean hasi zuten ikuskizun ibiltaria, eta Durana kalera bitartean hainbat komertziotatik pasa ziren. Irudiotan, Asensio jantzi dendako erakusleihoan egin zuten permormanceko unea.

Aretxarte merkatarien elkartearen ekimena izan da Jaikiko dantzariek atzo iluntzean Aretxabaletan egin zuten kaleko ikuskizuna. Izan ere, erabaki dute hilabeteko hirugarren egubakoitzetan kaleak girotzeko ekitaldiak antolatzea. "Martxoan izango da lehenengoa eta bertako talde batengana jo dugu hasteko", azaldu du Kristina Hernandezek, Aretxarteko presidenteak. Apirilean ere izango da ekitaldiren bat, hilaren 21ean hain zuzen ere.

Hala, hamaika dantzarik hartu zuten esku ikuskizunean, eta Dagda taberna parean hasi eta Durana kalea zeharkatu zuten, performancea egiten, bai kalean eta baita zenbait komertziotan ere. Esaterako, Asensio arropa dendan eta Leibar arraindegian sartu ziren.

Gizartea Aretxabaleta

Erlazionatuak

'Herrixan erosiz, eroso... eta ponpoxo!' ekimena iruditan

Xabier Urtzelai 2023 mar 18 Aretxabaleta

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.

Harpidetza aukera guztiak