Erantzukizun sozial bihur dadin, ez negozio; denon bizitzak erdigunean pankartaren ostean jendetza batu zen atzo iluntzean. Zaintza-sistema irauli beharra aldarri izanik zaharren egoitzaraino joan zen manifestazioa eta han zain zituzten bertako langileak eta han bizi diren adinekoak.
Neska* Gazteek ere jarri zuten euren aletxoa ibilbidean Guk ez dugu sistema hau zainduko lelodun pankarta aterata. Eta Auzoko egitasmoko kideek Ez dadila nire zapia zure benda izan adierazi zuten.
Ekitaldia dantzan bukatu zuten Herriko Plazan batutakoek, Jaiki elkarteak bideratuta.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.