Santa Teresaren kanonizazioaren 400 urteak ospatzeko egingo den elizkizunera gonbidatu dute Aretxabaleta Abesbatza. Martxoaren 12an izango da Avilan,
eta aurreko egunean beste kontzertu bat emango dute eliza berean.
Elizkizun hori prestatzen dihardu azken asteotan, eta domekan, martxoaren 5ean, Aretxabaletako parrokian (19:00) eskainiko du gertatutakoa.
Gregoriano kantuak izango dira ardatz eta, besteak beste, abestuko dituzte Veni creator spiritus ereserkia, Media vita Garizumako errespontsua eta Congaudeant (Kalixtino kodexa).
Kontzertua borobilduko dute beste erlijio-abesti batzuekin; Maestra de la luz Santa Teresaren ereserkia, A Cristo crucificado sonetoa eta Cántico espiritual.
Jose Luis Franzesena organo-jole azpeitiarrak egingo die lagun ekitaldian eta bakarlariak honako hauek izango dira: Mariatxen Urkia, Mari Carmen Etxeandia eta Maider Garai.
