Emakumeen Nazioarteko Eguna baino lehen, UDAk IX. Emakumezkoen Frontenis Txapelketa antolatu du martxoaren 4rako eta 5erako. Urtero lez, Iturrigorri pilotalekuan jokatuko da eta izena emateko helbide honetara idatzi beharko da: emakumeenfrontenisaUDA@gmail.com.
Apuntatzeko azken egunak dira honako hauek, izan ere, izena emateko epea otsailaren 28an amaituko da. Parte hartzeko hamar euro ordaindu beharko dira lehen neurketa jokatu baino lehen. Bikote irabazleari bertako produktuekin egindako saskia eta txapela emango dizkiote. Bederatzigarren aldiz jokatuko da torneoa herrian eta dagoeneko errotua dagoen egitasmoa da.
