Santakurtz kaletik Otalora kalera joateko aukera izan dute ibilgailuek azarotik, baina behin hori itxita, Basabeko biribilgunetik sartzen diren autoek tuneleraino bakarrik joan ahal izango dute aparkatzeko eta garajeetara sartzeko. Era berean, obrak egiten diren bitartean, bideak norabide bikoitza izango du autoen sarrera eta irteera ahalbidetzeko.
Bestalde, Arkupe kultur etxearen atzeko partean dagoen aparkalekura Otalora kaletik sartu beharko da. Aldaketa horiek iraungo dute Santakurtz kalearen berrurbanizazioa amaitu arte.
2022ko urtarrilean hasi zituzten Hornidura eta Saneamenduko Plan Bereziaren (PEAS) lanak eta Udalak Sasoi Eraikuntzak enpresari esleitu zizkion lanak, 2.042.500 euroan. Hornidura eta saneamendu sareak ordezkatzea eta kalea berriz urbanizatzea dira proiektuaren oinarria.
