Eskarmentu handia duen Maider Galarza ipuin kontalari eta aktoreak Maleta kontuak saioa eskainiko die 4 eta 6 urte arteko neska-mutikoei; hilaren 18an izango da, eguaztena, 18:00etan, liburutegiko Txiki Txokoan.
Maletatik pertsonaia asko aterako ditu –besteak beste, elefanteak eta erraldoiak–, umeen gozamenerako, eta gordetzen dituen sekretuak ezagutzera eman horrela. Ordubeteren bueltako emanaldia izango da.
Hogeita hamar lagun ingururendako lekua egongo da; horregatik, izena aldez aurretik eman behar da udal liburutegian. Horretarako azken eguna astelehena da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.