Aretxabaleta Abesbatzak eta Leizarra Abesbatzak elkarrekin –Jose Luis Franzesenak pianoarekin lagun eginda– abestuko dituzten kantuen artean daude honako hauek: Adeste Fideles (J. Reading), El can't dels ocels (P. Casals), Gau ixila (G.F. Haendel), Haurtxo Polita (G. Olaizola) eta Ator Mutil (J. Guridi).
Lau kantu ikasle
Leizarra musika eskolan Mariatxen Urkia irakaslearen esanetara lanean diharduten lau ikaslek ere hartuko dute parte kontzertuan: Imanol Aizpuruak, Jokin Bengoak, Mari Carmen Etxeandiak eta Olatz Urkiak.
Aizpuruak eta Urkia irakasleak, Aretxabaleta Abesbatzarekin batera, abestuko dute Duetto Adan y Eva (J. Haydn). Ondoren, Bengoak eta Urkiak Au fond du temple saint (G. Bizetr) eskainiko dute, eta Etxeandiak O mio babbino caro (Giacomo Puccini). Eta lau kantu ikasleek batera ere abestuko dute kantu bat: Amazing Grace (J. Newton).