Goiz osoan zehar aritu ziren atzo, eguaztena, Aretxabaletako kaleetan euskal kantuak abesten, lagunarte ederrean adin ezberdinetako jendea batuta, Arrasate, Aretxabaleta, Gatzaga, Eskoriatza eta Balmasedako musikariek jarritako doinuak lagun. Bazkalostea alaitzeko berriro atera zituzten musika-tresnak. Errepertorio zabala dute eskura, 2016an argitaratutako Atxabalta Kantuen Bizirik liburuxkak 145 euskal kanturen hitzak baitakartza. Publikoak bildumako kantuak aukeratu eta jotzeko eskatzen die musikariei, horixe da dinamika. Bada, Pantxoa eta Peioren Lepoan hartu ta segi aurrera-ren bideoa Sinn Féin alderdiko Gerry Adamsengana iritsi da, sare sozialetan partekatu baitu bertsioa.
Gora Euskadi! pic.twitter.com/vwSarmMlu7
— Gerry Adams (@GerryAdamsSF) December 28, 2022
