Radar horiek zirkulatzen ari diren abiadura erakusten diete gidariei eta baimendutako mugak gainditzean ere ohartarazten diete, isunik jarri gabe. Udalerriko hiru bide nagusitan "ibilgailuen etengabeko zirkulazioa baretzeko lagungarri" izatea nahi du Udalak.
Hiru radar martxan
Horrela, gailu hauen helburua gidariei zein abiaduratan zirkulatzen ari diren ohartaraztea da. Gorriz iragartzen da legez ezarritako abiadura-muga gainditzen denean, eta berdez, aldiz, araudiak baimendutako abiaduraren barruan zirkulatzen bada.
Radar hauetako hiru dagoeneko martxan daude, eta laugarrena (Txarapeako bat) urtarrilaren erdialdean jarriko da abian.