"Urteak daramatzagu eskatzen benetako politika feministak Udal sail eta ekintza guztietan txertatu ditzaten", adierazi du EH Bilduk prentsa ohar bidez eta horretarako baliabide gehiago behar direla gaineratu: "Baliabideak ez badaude nekez lortuko ditu Udal honek paperean jasota dituen zeharlerrotasuneko helburuak".
Berdintasun zerbitzuari dagokionez, azken zazpi urteetan bost teknikari pasatu direla adierazi dute eta "langileen baldintzak eta egonkortasuna bermatu" beharko liratekeela gaineratu: "Astean hamalau orduko dedikazioa duen kanpoko enpresa bateko pertsona bat du Udalak. Gure ustez ez da nahikoa". Zerbitzua azpikontratatzearekin ere ez dira ados agertu.
Oraingoan, "lorpen txiki" baten berri eman gura izan dute: "Berdintasun teknikariaren jarduna beste egun batez luzatzea adostu dugu EAJrekin. Lorpen txikia baina norabide onean doana".
Hala ere baliabide gehiago behar direla berretsi dute: "Eta hori egiteko konpromisoa hartzen dugu".