Erregularizatu gabe bizi diren migratzaileen aldeko kanpainari bukaera emango diote domekan; hain zuzen ere, Pertsona Migratzailearen Nazioarteko Egunean. Debagoieneko Pertsona Migratuen Elkarteak deitu du ekitaldia Aretxabaletan, Durana kalean, 12:00etan. Jai giroan amaitzeko, Cristian Vergara abeslari perutarra izango da, eta poesia errezitaldia ere egongo da. "Mikro irekiaren tartean edonork bota ahal izango du hausnarketa edo iritzia; betiere, migrazioa gai hartuta", adierazi du Paloma Martinezek.
500.000 sinadura batuta egin gura den eskaera da 500.000 pertsonaren ezohiko erregulazioa, eta Espainiako Kongresuan aurkeztuko da: "Pertsonen mugimendu askea giza eskubide bat dela aldarrikatu gura da, eta ez dela betetzen". Egunean bertan ere jasoko dituzte sinadurak: "Aretxabaletan babes handia izan dugu eta hori hunkigarria da".
