Gogor irten dira Aretxabaletako mutilak Ibarra futbol zelaiko berdegunera, eta partidua hasi bezain pronto aurretik jarri da UDA taldea. Vasconiako atezainak egindako akats baten ondorioz, zortzigarren minutuan Irik sartu du gola. Hortik bi minututara iritsi da bigarren gola; kasu honetan, aurkariaren atean, bigarren zutoinera iritsi den baloia Iagok sareetara sartuz. Hirugarrena ere sartu dute, kasu honetan, Aitor Perez kapitainak penaltiz sartu du gola. 30. minutuan, berriz, aurkariek gola sartu dute kornerretik, eta markagailua 3-1 jarri da. Hala, amaitu da lehenengo zatia.
Bigarren zatian, berriz, 46. minutuan etxeko taldearen laugarren gola iritsi da. Unai Belokik atezainaren aurrean aldaratzea hartu eta laugarrena sartu du. Hala ere, 87. minutuan Vasconiak areaz kanpotik sekulako sartu du, eta, markagailua 4-2 jarri da. Hala ere, horrela amaitu da partidua, eta etxean geratu dira hiru puntuak.
