Elkarretaratzea deitu du Aretxabaletako Mugimendu Feministak azaroaren 25erako; 18:00etan izango da, Herriko Plazan, eta Instituzioek ere emakumeok kolpatzen gaituzte leloaren bueltan elkartuko dira.
Aurretik, 17:00etan, migratzaileen erregularizazioaren aldeko sinadura bilketa egingo dute.
Adierazpen instituzionala
Udalak adierazpen instituzionala adostu du, eta hor jaso gaitzesten dituela emakumeen aurkako indarkeria, eraso eta jarrera sexista guztiak. Era berean, konpromisoa hartu du horrelako indarkeriarik gabeko jendarte baterantz lanean jarraitzeko: "Politika publikoen eta administrazioen betebeharra baita emakumeekiko indarkeriaren aurkako mekanismoak eta estrategiak abian jartzea". Gaitz hau pairatzen duten edo pairatu izan duten emakumeei elkartasuna adierazi die eta zera gogorarazi du: "Gutako bakoitzari dagokigu egoera hau aldatzea, eguneroko zereginetatik hasiz".
