Dena den, Euskaraldian izena emateko epea ez da bukatu. Datorren aste guztian egongo da horretarako aukera webgune bidez zein herrian sortutako batzordeen laguntzarekin. Gaur, egubakoitza, esaterako, mahaia jarriko da Herriko Plazan, 17:30ean; txapak jaso ahal izango dira han eta poltsak eta banderolak ere eskuragai izango dituzte.
Argazki erraldoia hasiera emateko
Hirugarrenez egingo den dinamikari indartsu ekiteko izena emandako guztiak elkartu gura dira. Hala, argazki erraldoia aterako dute gaur, 17:30ean, Herriko Plazan; ondoren, dantzan egingo dute Euskaraldiko kantuarekin Pirritx eta Porrotx pailazoek sortutako koreografiari jarraituta.
Azaroaren 25ean, hurrengo egubakoitzean, Gernika plazako pareta batean murala margotzeko elkartuko dira, 16:30ean. Ekimenarekin bat egin duten guztien laguntza eskertuko dute.
