Jarduera fisikoa sustatzea helburu duen AtxabaltaMugi egitasmoaren barruan, adinekoen erorikoak prebenitzeko tailerra antolatu dute urriaren 24rako, astelehena. Egun bakarreko saio teoriko-praktikoa izango da eta Ibarra kiroldegian elkartuko dira parte-hartzaileak, 10:30etik 12:30era.
Hainbat gai landuko dituzte: etxe barruan eta etxetik kanpo erorketak prebenitzeko aholkuak; ortopedia; teleasistentzia, etxez etxeko laguntza eta laguntza teknikoak; jarduera fisikoa –oreka, propiozepzioa eta indarra– eta jarrera higienea –nola zutitu eroriko baten ostean, ohean etzan eta jaiki–. Arropa erosoarekin joatea gomendatu dute.
Izen-ematea aurretik
Bi orduko tailer honetan parte hartzeko izena eman behar da, osasun zentrora deituta (943 71 19 59) edo udal Gizarte Zerbitzuetara: 943 71 18 62 –doakoa da–. Epea urriaren 21era arte dago zabalik –gehienez, 25 lagunendako lekua–.
