Taldea osatzen dute Juan Carlos Calvok eta Emilio Vazquezek –Leizarra musika eskolako baxu eta gitarra irakasleak hurrenez hurren–, azken hori Akerbeltz taldeko kidea ere bada; eta Naia Fernandezek, Miriam Merinok eta Alain Gutierrezek.
Rock doinuak lantzen dituzte, ukitu progresibo eta elektronikoekin eta Hipnosia izeneko lehen diskoa aurkeztuko dute. Hamaika kanturekin osatutako lana da –Vazquezek sortu ditu disko berriko kantu guztien doinuak eta askoren letrak– eta horien artean dago Mikel Laboaren Ihesa zilegi balitz kantu ezagunaren bertsioa.
Sarrerak salgai daude online eta egunean bertan leihatilan ere bai, agortu ez badira. Musika eskolako irakasleek herritar gonbidatu dituzte kontzertura: "Etor zaitez gurekin rockaz gozatzera!"
