Aintzane Ezenarro Gogora Institutuko zuzendariak, Gorka Espiau Agirre Lehendakaria Center-eko zuzendariak, Jon Moñux Argituz elkarteko kideak eta Mario Zubiaga Euskal Herriko Unibertsitateko irakasleak hartu zuten parte mahai inguruan.
Gerra Hotzetik Ukrainako gerrarainoko errepasoa egin zuten, baina helburu nagusia Euskal Herriaren iragan hurbilari heltzea izan zen. Horretarako, gertaerak nola kontatu eta irudikatu izan diren hartu zuten kontuan, komunikazioa eta ikus-entzunezkoak landuz. Ekitaldia bukatzeko, ikasle eta hizlarien arteko solasaldia egin zen, galdera eta erantzun trukearekin.
Biktimekin astean zehar
Gogora Institutuko Adi-adian programaren baitan, bi biktimarekin egoteko aukera izan dute egunotan ikasleek. Hilaren 6an Alberto Muñagorri entzun zuten eta 10ean, berriz, Olatz Etxabe.