Zirku eskolek jarraipena izango dute aurtengo ikasturtean ere. Biribil Zirku Eskolak izango du horren ardura, eta, urriaren 8an hasi eta abendura arte,
hilabetean bi zapatutan elkartuko dira. Bi talde osatuko dituzte: lehenengoa 6 eta 13 urte arteko neska-mutikoekin 10:30etik 11:30era eta bigarrena, 14 urtetik gorakoekin, 11:30etik 12:30era.
Ikastaroaren helburua da zirkuaren mundura gerturatzea gaztetxoak, sormena, zirku-teknikak eta trebetasunak landuta.
Komikiak eta marrazketa
Manga komiki eta marrazketa teknikak jorratzeko saioak ere antolatu dituzte; urriaren 19tik abenduaren 14ra bitartean, eguaztenetan izango dira, 18:00etatik 19:30era. 14 urtetik gorakoei zuzenduta dago eta 30 orduko ikastaroa izango da. Iñaki Martiarena Mattin ibilbide luzeko marrazkilariak gidatuko ditu eskolak –euskaraz zein gaztelaniaz– eta haren aginduetara bi-lau orrialdeko komiki bat osatuko dute, eta oinarrizko kanon literarioa ezagutu.
Ukenduak zelan egin
Ukenduak egiteko ikastaroaren egunak ere zehaztu dituzte: urriaren 20an eta 27an eta azaroaren 3an, 10ean eta 17an. Arkupen izango dira, 19:00etan hasita, eta gehienez hamar lagunendako dute lekua.
