Herritarrekin zein adituekin osatutako hainbat proposamen aurkeztu zituen EH Bilduk orain dela ia hiru hilabete; zazpi proposamen hain zuzen ere. Orain, auzotarren iritzia jakin gura du eta horien ekarpenak jaso. Inkesta bidez batuko dituzte horiek: "Auzoaren inguruko iritzi orokorra, egin nahi diren ekarpen zehatzak eta guk egin ditugun proposamenen inguruko iritzia jasotzea nahiko genuke", eta gaineratu dute: "Ezinbestekoa baita auzoa eraberritzeko plan bat egin nahi bada".
EH Bilduko kideen helburua da epe motzean egin daitezkeenak zerrendatzea eta aurrera eroateko ahalegina egitea eta horiek baino epe luzeagokoak direnak diseinatu eta etorkizuneko plangintzetan txertatzen joatea".
Inkesta etxe guztietara
Etxe guztietan jasoko dutela inkesta adierazi dute eta hori erantzuteko hainbat bide zabalduko dituzte: Whasappez (688 82 65 81); ehbildu@aretxabaleta.eus helbide elektronikoan; paperean, Herriko Plazan dagoen EHbilguneko postontzian sartuta; edo lotura honetan.
Hori betetzera animatu dituzte auzotarrak: "EH Bildutik herritarrak parte hartzera animatu nahiko genituzke denon artean Portasol, eta Aretxabaleta bizigarriagoa egiteko".
