Basurde bi ibili dira goiz partean Ibarra kiroldegi inguruan. Eguna argitu orduko ikusi dituzte han eskolara zihoazen ikasleek, eta beranduago, eguerdi aldera, Deba ibai bazterrean jarraitzen zuten jatekoaren bila. Ikusmin handia sortu dute herritarren artean eta Basabeazpiko neska-mutikoak ere irten dira haiek ikustera.
Uztailaz geroztik dabiltza basurdeak Aretxabaletan inguruan. Urkulurako bidegorrian, Oro auzo inguruan eta kanposantu aldean ere ikusi izan dituzte eta udaltzainek baieztatu egin dute hori. Oraingoan, kiroldegi aurrean, futbol zelai txiki inguruan jardun dute atzera eta aurrera, herritarrei inolako kasurik egin barik.
Udaltzainek jakinarazi dute basozainei abisua pasatu dietela.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.