Aretxabaletako Yaakar elkarteak, Debagoieneko hainbat udalen laguntzarekin, amatasun kontsulta eraiki du Senegalgo Mbam udalerrian. Hura hornitzeko materiala, besteak beste zenbait ohe eta ekografiak egiteko makina bat, Debagoieneko Ospitaleak eman ditu dohaintzan, eta dagoeneko iritsi dira helmugara.
Yaakar elkarteko eta Aretxabaletako udaleko hainbat ordezkari izan ziren Mbam udalerrian, uztail hasieran, eraikina bertatik bertara ikusi eta inauguratzeko; baita haien beharrak ezagutzeko ere. Orain, jasotako materialarekin, lanean hasteko moduan izango dira.
Yaakar elkartetik jakinarazi dute Ospitaleak beste hamabost ohatila eman dituela errehabilitaziorako, janariarendako azpilak eta lanerako mantalak, besteak beste. Horiek aurrerago bidaliko dituzte, horretarako dirua eskuratutakoan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.