Domeka honetan, ekainaren 19an, 11:30ean hasita, 73. Debarroko Pilota Txapelketako partiduak jokatuko dira Aretxabaletako Iturrigorri pilotalekuan. Kadeteak, gazteak eta nagusiak arituko dira bertan, eta, kategoria horien artean, gazteen sailean izango dira UDA Aretxabaletako pilotariak jokatzen.
Hain zuzen ere, Lazpiur eta Barandiaran izango dira Aretxabaletako pilotari bakarrak; kasu honetan, oñatiarren aurka jokatuko dutenak.
Honako hauek izango dira partiduak, mailaz maila: kadeteetan, Soraluzeko Pilota Eskolako Ibarra eta Caramanzana pilotariak Bergarako Ormaetxearen eta Alberdiren aurka arituko dira; gazteen kategorian, aldiz, Oñatiko Aloña-Mendiko taldeko Etxegarai eta Regueiro UDA Aretxabaleta taldeko Lazpiurren eta Barandiaranen aurka; eta, azkenik, Soraluzeko Pilota Eskolako Atxotegi eta Balendi pilotariak, Bergara Pilota Taldeko Etxezarretaren eta Oterminen kontra.