Nerabeendako antolatutako Bixi egitasmoaren ikasturteari bukaera emateko Pool party jaialdia egingo dute 12 eta 16 urte bitarteko gaztetxoendako, egubakoitzean, kiroldegiko igerilekuetan; sarrera debalde da. Puzgarriak izango dituzte eta Nemux DJak girotuko du ekitaldia.
Bixi egitasmoa Aretxabaleta eta Eskoriatzako udalek sustatuta sortu da eta aisialdiaz modu osasungarrian gozatzeko aukerak eskaintzea du helburu.
Uztailean, Udaero
Atxagazte gaztelekuak, ostera, Udaero antolatu du uztailerako. Irteerak egingo dituzte, besteak beste, Mutrikura, Urdaibaira eta Usakora; baita parrillada ere eta txapelketak: mahai-jolasak eta Gaztekonkis.
Izena emateko epea zabalik dago ekainaren 26a arte; horretarako, honako telefono zenbakira deitu behar da: 688 84 38 15. Ekintza guztietan izena emanez gero prezioa da 35 euro.