Murala margotzen ekingo diote egunari (09:00) eta altxorraren bila erraldoiarekin jarraitu (11:00); ikasleek eta gurasoek hartuko dute parte, Herriko Plazatik abiatuta. Kurtzebarriko batukadak ez du hutsik egingo aurten ere, eta buruhandiak eta erraldoiak izango dituzte lagun kalejiran (12:30), eta, ondoren (13:30), Eguzkiari agurra ikuskizuna egingo dute.
Pilotalekuan elkartuko dira bazkaltzeko (14.30), eta arratsalde partean (16:00), ur jolasak, dantzan egiteko musika, puzgarriak eta bolo txapelketa izango dira, besteak beste.