Kirolean euskararen erabilera hedatzeko helburua ardatz edukita, eta UDAk zein Auzoko ekimenak herrian "euskararekin duten konpromisoan oinarrituta", euskara ardatz izango duen partidu bat antolatu dute.
Partidua euskara hutsean jokatuko den arren, "bertaratu daitezkeen beste hizkuntza guztiak ere ongietorriak izango dira" antolatzaileen esanetan. Ekintza honetan 16 urtetik gorako edozein herritarrek parte hartzeko aukera izango du.
30 jokalari gehienez
Apuntatzeko epemuga ekainaren 14a, asteartea, izango da. Izena emateko bideak honako hauek dira: 645 70 88 63 zenbakira deituta edota auzoko.loramendielkartea@gmail.com helbidera idatzita. Antolatzaileen asmoa hamabost pertsonako bi talde sortzea; hori dela eta, lehenengo 30 plazak betetzerakoan itxiko da izen-ematea. Itxaron zerrenda ere irekiko da, taldeetako norbaitek etorri ezingo balu, zerrendan dagoen hurrengo pertsonak parte hartu dezan.
Ibarrako futbol zelai txikian jokatuko da partidua, eta ordubeteko iraupena edukiko du. Hogei minutuko bi denbora izango ditu, eta tartean hamar minutuko atsedenaldia. Zelaiaren atea irekita egongo da ikusleak "animatzera" joan daitezen.
