Urkulura joko dute eta handik Ugastegira; GR-121 ibilbidea hartuta Arantzazu aldera egingo dute lehenengo Degurixara itzultzeko gero, eta Kurtzebarritik bueltan jaitsiko dira Aretxabaletara. Anoa postu bi egongo dira; bata, ohi legez, Ugastegin –8. kilometroa– eta bestea Degurixan –19. kilometroan–.
Murrukixoko kideek adierazi dutenez ez du aparteko zailtasunik ibilbideak: "Mendian ibiltzera ohituta daudenek ez dute arazorik izango".
Hona hemen zehaztu dituzten arauak:
- Irteera, 07:00etan izango da Aretxabaletako Herriko Plazatik.
- Bukaera, Murrukixo Mendizale Elkartearen lokalean izango da, Durana kalea, 13.
- Bidea markatuta egongo da.
- Janaria eta edariak anoa postuetan izango dituzte mendizaleek: 8. kilometroa (Ugastegi) eta 19. kilometroa (Degurixa).
- Arduradunek ez dute beraien gain hartuko bidean gerta daitezkeen ezbeharrak.
- Helmuga 11:00etan irekiko da, Murrukixo Mendizale Elkartearen lokalean.
- Antolakuntzak martxarekin zerikusia duen guztia aldatzeko eskubidea dauka, beharrezkoa izango balitz.
- Izen-ematea egunean bertan izango da, hasi aurretik (10 euro).