Herrion autodeterminazio eskubidearen alde Pirinioak argiztatzera leloarekin 400 mendi tontor argiztatzea da Gure Eskuren asmoa, uztailaren 2an. Euskal Herriko eta Kataluniako entitate sozialek elkarlanean antolatutako ekimena da eta herritarrak parte hartzera gonbidatu dituzte antolatzaileek. Aretxabaletako mendi taldeek, Murrukixok eta Zaraiak, ere bat egin dute ekimenarekin eta babesa agertu diote.
Aretxabaletarrei Astate mendia (1.022 m.) argiztatzea egokitu zaie uztailaren 2an. Horren gaineko xehetasunak gura dituenak –autobusa, ordutegia…–, izena eman eta kamiseta erosi Gure Eskuko kideak Durana kaleko UDAren lokalean izango dira gaur eta datorren eguazten eta egubakoitzean (19:00-20:30).
