"Dantza talde asko ditugu herrian eta horiek ezagutzera ematea zen gure asmoa orduan", azaldu du Maier Etxebarriak, Jaikiko kideak, eta gaineratu du: "Dantzan egitea gustuko duen herritar asko ere badago, eta haiei aukera eskaini nahi genien; badutela non egin eta zeinekin egin erakutsi, hain zuzen ere".
Debagoienean egiten den dantza aste bakarra da eta hasierako helburuari eutsita dator aurtengoa: "Basotxoko erretiratuek kalean dantzan egiteko gogo handia dute, eta haien demandari erantzunez gatoz". Onartu du denbora gutxi izan dutela antolatzeko, eta, horregatik, herriko taldeak izango dira protagonista: "Kanpotik dator dantza garaikidea egiten duen LaRutan talde indartsua; gainerakoak hemengoak dira. Herrian egindakoa kalera aterako da eta egitarau osatua lortu dugu, modalitate ezberdinak uztartuta".
Egitaraua
Hona hemen asterako prestatutako egitaraua:
Maiatzak 30
- • 18:00 Kontakids saioa; Kuku Miku elkartea.
- • 19:00 Lindy Hop dantzak (Jaiki); Mitarte.
Maiatzak 31
- • 18:00 Areto dantzak (Basotxo); Mitarte.
- • 19:00 Bat-bateko saioa (Jaiki); kaleak.
Ekainak 1
- • 17:45 Plaza dantzak (Basotxo); Durana.
- • 18:30 Rueda cubana; Durana.
- • 19:30 Leizarra dantza taldea; Durana.
Ekainak 2
- • 17:30 Dantza urbanoak (Candem Town); plaza.
- • 18:15 Munduko dantzak (Auzoko); Durana.
Ekainak 3
- • 19:00 Dantza garaikidea (LaRutan); plaza.
- • 19:30 Kizomba; plaza.
- •20:30 Dantzagarriak; plaza.
Ekainak 4
- • Butoh ikastaroa (Jaiki).
- • 19:00 Gozategi taldea; plaza.