Zazpi taldetan banatuta, 70 neska-mutiko inguru ibili dira dantzan goizean. Kalejiran, Arkupen hasi dute eguna, eta hiru geldialdi egin dituzte: Iturrizar eta Irusta plazetan eta Durana kalean. Alardearekin, Herriko Plazan eman diote egunari bukaera.
Beste urte batzuetan bailarako beste dantza talde batzuk joan izan dira Aretxabaletara, bertako Leizarra dantza taldearen eguna ospatzera. Aurten, baina, herrikoak bertakoak izan dira protagonistak.
Taldeko Mikel Arceren hitzetan "oso ondo" joan da antolatuta zeukatena eta ikasturteari bukaera San Juan bezperan emango diote, musika eskolakoek antolatutako dantza emanaldiarekin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
