"Giro polita eta jende pilla bat" izan da Txakolin Egunean, Ainhoa Cabero zinegotziaren hitzetan. "Bagindoazen bi urte horrelakorik egin gabe eta jendea gogoz eta eskertuta dagoela ikusi dugu", gaineratu du.
Sei upategi hauetako txakolina dastatzeko aukera izan da: Gaintza, Gañeta, Inazio Urruzola, Kataide, Murgialdai eta Rezabal. Bost euroren truke bost tiket erosi ahal izan dira bertan, eta, beste horrenbeste trago hartzeko, kopa bat barne izango dute. Gainera, tiketak saltzen Senegalen garapenerako lankidetza proiektuak aurrera eramaten dituen Yaakar Elkarteak lagundu du.
Bertako ekoizleen eskutik jatekoa ere egon da eta giroa alaitu dute Iruñako Buztintxuri eta Urduñako Bihotza erraldoi eta buruhandien konpartsek.
