Hona hemen sei upategiak: Gaintza, Gañeta, Inazio Urruzola, Kataide, Murgialdai eta Rezabal. Bost euroren truke bost tiket erosi ahal izango dira bertan, eta, beste horrenbeste trago hartzeko, kopa bat barne izango da. Nabarmendu behar da tiketak saltzen Senegalen garapenerako lankidetza proiektuak aurrera eramaten dituen Yaakar Elkarteak lagunduko duela.
Txakolinaz gain, bertako ekoizleek prestatuko dituzten pintxoak eta hanburgesak ere dastatu ahal izango dituzte elkartzen diren herritarrek. Kaleak alaitzeaz, berriz, Iruñeko Buztintxuri eta Urduñako Bihotza erraldoi eta buruhandien konpartsak arduratuko dira, bertaratzen diren gaztetxoenen gozamenerako.