Aretxabaleta Kirol Elkarteak klubaren historiako futbol talde arrakastatsuena omendu du Ibarran, Ohorezko Erregional mailako partiduaren atsedenaldian, 50 urte igaro baitira UDAk Espainiako Afizionatu Mailako txapelketa irabazi zuela. 1971-1972ko denboraldian UDAko jokalari izan zirenei "pasiloa" egin diete, eta oroigarriak eman dizkiete bertaratu diren protagonistei.
Atsedenaldiko ekitaldiaz batera, Ibarra futbol zelaian partidua jokatu du UDAko Ohorezko Erregional mailako taldeak Allerru, talde lezoarraren kontra. 5-1 irabazi dute aretxabaletarrek ligako azken jardunaldia; golak, lehenengo zatian Zubik eta Cebrinok sartu dituzte, eta, bigarren zatian, Ibaik, Unanuek eta Perezek. Hala, sailkapenean laugarren postuan amaitu dute 2021/22 denboraldia, 60 punturekin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
