Gu Haziak Gara eta Loramendi elkarteak antolatutako, eta Udalak lagundutako kultura arteko bazkaria egin dute Aretxabaletako komentuko belardian. Lehenbizi elkartu, agurtu, eta ezagutzeko tartea izan dute, eta ondoren norberak eramandako janaren azalpenak eman dituzte. Hala, bapo bazkaldu eta gero, dantza eta kantua izan dute. Horretarako Basotxoko korua izan da bertan, eta betiko euskal kantuak abestu ostean, cumbia doinuak izan dituzte. Antolatzaileen esanetan, "zoragarri irten da ekintza".
"13:00ak aldera batu gara komentuan, eta eraman dugun janariaren azalpenak eman ditugu lehenbizi. Jatekoa mahaiaren erdian jarri eta haurrak hasi dira bazkaltzen lehenengo, eta gero helduok; guztira, 100 lagun inguru batu gara. Ondoren, Basotxokoekin denok batera kantatu dugu, eta gero munduko musika ezberdinak jarri ostean dantza batean aritu gara. Gaineratzea ere, haurrentzako margotzeko txokoa jarri dugula, eta, ur-jolasak ere izan dituztela, eta, gustura aritu dira. Beraz antolatutakoarekin pozik agertu gara, adierazi du Miren Igartuak, Auzoko eta Barriketan-eko dinamizatzaileak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak