20 urte dituen eskoriatzarrak lau hilabeteko prestakuntza jaso Donostian eta aste honetan ekin dio praktikaldiari. Astelehenetik egubakoitzera, lau orduko lanaldia (09:00etatik 13:00etara) izango du eta hainbat lan egingo ditu Arkupen eta beste udal zerbitzu batzuetan. Astelehenean egin zioten ondoetorria udal ordezkariek eta lankideek.
150 pertsona baino gehiago
Atzegik eta Gureak elkarteak elkarlanean kudeatzen duten Pauso Berriak programarekin bat egin du Udalak. Ekimen horren helburua da Gipuzkoako enpresa eta erakundeetan desgaitasun intelektuala duten pertsonei lan aukerak eskaintzea, eta, aldi berean, ikusaraztea, eta gizarteratzen eta laneratzen laguntzea. 2010ean jarri zen abian, eta une honetan 150 pertsonatik gora dabil.