Pozik agertu dira Sareko kideak herritarrek emandako erantzunarekin eta zergatik elkartu diren gogorarazi dute: “Euskal presoei aplikatzen zaien salbuespenezko legedia bertan behera uztea eta lege arrunta aplikatzea”. Garikoitz Garcia preso aretxabaletarra izan dute gogoan bereziki: “Gradu progresioa ahalbidetzea etxerako bidean, aurrera pausoak emateko eskatu dugu”.
Urriaren 8an emango diote amaiera Izan Bidea dinamikari eta Donostiako kaleak betetzera gonbidatu dituzte herritarrak.