Guztira, 320 plaza eskainiko dira, eta 4 eta 12 urte bitarteko haurrek oporretan euskaraz eta aisialdiaz ekintzen bitartez gozatzeko asmoz antolatu dira aurtengo udalekuak. Hori horrela, Aretxabaletako Udalak antolatutako udako eskaintza hau aurrera eramateko 72.320 euroko partida bideratu da, eta Loramendi Euskara Elkartea arduratuko da programa kudeatzeaz, Loraturen bitartez.
Udalekuetan parte hartzeko, ume bakoitzeko 85 euro ordaindu beharko dira, eta udalekuen ordutegiari dagokionez, soilik goizez eskainiko dira, 09:00etatik 13:00etara, nahiz eta 2018an jaiotakoentzat ordutegia 10:00etatik 13:00etara bitartekoa izango den.