Oso kezkatuta agertu dira UDAko zuzendaritza batzordeko kideak azken hilabeteetan Ibarra futbol zelaian izan diren hainbat gertaerarekin, eta horren berri emateko prentsa-oharra zabaldu du: "Badago gai bat asko kezkatzen gaituena; eta bazkide, kirolari, guraso eta zuzendaritza taldeko kideen ahotan dabilena. Hainbat partidutan, Ibarran gertatzen diren zenbait gertaerarekin dago lotuta. Izan
ere, aurkariarekin, epailearekin... sartzeko joera dago: irainak, mehatxuak, isekak...".
Aldageletako paretetan idatzitakoa berreskuratu behar dela adierazi dute: "Gu gara: laguntasuna, errespetua, adiskidetasuna, elkarbizitza, batasuna... Eta hori ez da liskarra, ez da ez istilua eta ez da horrelako ezer".
Beste futbol zelai batzuetan antzekoak gertatzeak ez dituela lasaitzen diote, eta UDAko kideei dei egin diete egoerari buelta emateko: "Defenda dezagun gure nortasuna inoiz baino indar gehiagorekin! Erakuts dezagun beste modu batera egin daitezkeela gauzak!".