Erretiratuen elkarteko presidente Aitor Alberdik baja hartu du eta haren ardurak Migel Elortza Etxaspek hartu ditu. Behin-behineko kontua izango da, hura itzultzen denean batzar orokorra egiteko asmoa dutelako: "Ordurako, zuzendaritza batzordea berritzeko kide batzuen izenak izango ditugu".
Elkarteak ohiko jarduna berreskuratu du azken hilabetean eta aurrera begira ere ekintza mordoa dituzte zehaztuta. Apirilaren 6an, zaindariaren eguna ospatuko dute –martxoaren 1ean atzeratutakoa–: salda Basotxon (12:00) eta bazkaria Taberna Berri jatetxean (14:30).
Bestalde, maiatzaren 20tik 22ra Madrilera joango dira. Izena emateko epea zabalik dago, astelehenetik egubakoitzera bitar-
tean elkartean (11:00-12:00).
Tute eta mus txapelketak
Apirilaren 7an, ostera, bailarako elkarte arteko tute eta mus txapelketak jokatuko dituzte Abaroan (Arrasate). Basotxoko txapelketako irabazleak izango dira han: musean, Miguel Rico eta Antonio Vidriales; eta tutean, Javier Valle eta Antonio Garcia.
