Aretxabaletako Mojen komentuan egindako ekitaldia "eskerrak" emateko unea izan zen. Bizitakoagatik, ikasitakoagatik, ikusitakoagatik, eramaten dutenarengatik. Horregatik guztiagatik, esker oneko hitzak besterik ez ziren entzun.
Aretxabaletako alkatea Unai Elkorok, Garabideko presidente Iñaki Martinez de Lunak eta Jon Sarasuak hartu zuten hitza hasieran. Ostean, opari-katea egin zuten guztiek, erakundeek eta komunitateek.
Musikarekin bukatu zuten ekitaldia: Txileko maputxe Paola Ñaculefek kantuan egin zuen, eta ostean, ekitaldian egondako guztiek, elkarrekin, Hizkuntzen kontrapasa abestu zuten.
