Lekaixoka bertso eskolako Mikel Mendiaratz eta Ramon Iturricastillo izango dira solasaldia gidatuko dutenak, eta hitzordu berezia izango dela adierazi dute. Izan ere, bertsotan egingo dizkiete galderak gonbidatuei. "Saioa hasteko, gonbidatuak aurkeztuko ditugu Iturricastillok eta biok, puntuka. Ondoren, txirrindulari bakoitzari galdera pertsonal bat egingo diogu, eta gero, kirolaren gaineko beste hainbat galdera botako ditugu airera. Amaitzeko, esaten dituztenak oinarri, ondorioak aterako ditugu, eta bertsotan agurtu", adierazi du Mikel Mendiaratzek.
UDAren 75. urteurrenaren bueltan antolatutako hitzaldi-solasaldiei ekingo diete. Lekaixoka bertso eskolakoak gai-jartzaile lanetan jardungo dute eta haien galderei erantzungo diete herriko hainbat txirrindularik; hain zuzen ere, Ainhize Barrainkuak, Xubane Garaik, Garazi Estebezek eta Markel Uriartek. Hitzordua martxoaren 31n izango da, 19:00etan, Dagda tabernan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak