Azkeneko urteetan udaleku irekien ardura izan duen Loratu egitasmoak Lehen Hezkuntzako laugarren, bosgarren eta seigarren mailetako neska-mutikoendako eskaintza prestatu du apirilaren 11rako, 12rako eta 13rako. Izena emateko epea zabalik dago eta azken eguna astelehena izango da, martxoak 21.
Loratulekuak izenarekin jolasak eta ekintza bereziak iragarri dituzte hiru egun horietako goizetarako –10:00etatik 13:00etara–.
Izena emateko epea zabalik dago, martxoaren 21era arte, eta 60 lagunendako dute lekua. Galdetegi bat prestatu dute horretarako, eta argibideak gura dituenak hemen ditu bideak: 747 42 18 69 eta loratu@loramendielkartea.eus. Prezioa da 50 euro ume bakoitzeko –bigarrena, 30 euro–.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
